World Vegetarian Day शाकाहाराद्वारे पोषक घटकांची कमतरता कशी भरून निघते?

Spread the love

आरोग्यास आवश्यक असणाऱ्या पोषक घटकांचा केवळ शाकाहारामुळे योग्य प्रमाणात पुरवठा होऊ शकत नाही, असे अनेकांचे मत असते. तसंच शाकाहार करणारी लोक मांसाहार करणाऱ्यांच्या तुलनेत शारीरिकदृष्ट्या कमकुवत असतात, असंही म्हटलं जातं. पण हा चुकीचा समज आहे. दरवर्षी १ ऑक्टोबरला ‘जागतिक शाकाहारी दिवस’ साजरा केला जातो. यानिमित्ताने आपण आज शाकाहाराशी संबंधित काही माहिती जाणून घेणार आहोत.

तुम्ही देखील पूर्णतः शाकाहार करण्याचा (Vegetarian Diet) विचार करत आहात का? यासाठी आहारतज्ज्ञांकडून योग्य ते मार्गदर्शन घेणे आवश्यक आहे. आपल्या आहारामध्ये कोणत्या पदार्थांचा समावेश केल्यास शरीराला सर्व प्रकारच्या पोषण तत्त्वांचा पुरवठा होण्यास मदत मिळेल, याबाबत योग्य तो सल्ला घ्यावा. आरोग्यास पोषक असणाऱ्या आणि चवीला स्वादिष्ट असणाऱ्या शाकाहाराबाबतची माहिती जाणून घेऊया.
(World Coffee Day कॉफी प्यायला आवडते का, मग पेयाबाबतच्या या ५ गोष्टी माहीत आहेत?)

​या २ पदार्थांना येते मांसाहारासारखी चव

– आहारामध्ये कोणत्या पदार्थांचा समावेश करायचा, हे मुख्यतः पोषण तत्त्व आणि चव या दोन गोष्टींच्या आधारे ठरवले जाते. खाद्यपदार्थांची चव न आवडल्यास अनेक जण काहीही न खातापिताच झोपणे पसंत करतात. अथवा जंक फूड खातात. कारण काही जणांना नियमित मांसाहार करण्याची सवय असते.

– तुम्हाला शाकाहारामध्येच मांसाहारासारखी चव अनुभवण्यास मिळाली तर? यासाठी मशरूम आणि फणसाची भाजी खाऊन पाहा. या भाज्यांना मांसाहाराप्रमाणे चव येते, असं म्हणतात. पोषण तत्त्वांचा साठा असलेल्या या दोन्ही भाज्या चविष्टही आहेत.

(Evening Exercise And Yoga संध्याकाळी योगासने किंवा व्यायाम करण्याचे फायदे)

आरोग्यासाठी ​व्हिटॅमिन बी १२ का असते गरजेचं?

– शाकाहारामुळे शरीराला व्हिटॅमिन बी १२ मिळत नाही, असा अनेकांचा गैरसमज असतो. दरम्यान आहाराद्वारे व्हिटॅमिन बी १२ चा योग्य प्रमाणात पुरवठा न झाल्यास मज्जासंस्थेशी संबंधित आजार आणि शरीरात रक्ताची कमतरता निर्माण होण्याची शक्यता असते.

– यासह व्हिटॅमिन-बी १२ आपल्या शरीरात नवीन पेशी तयार करण्यामध्ये महत्त्वपूर्ण भूमिका बजावतात. शरीरामध्ये व्हिटॅमिन बी १२ ची कमतरता निर्माण झाल्यास नवीन पेशींच्या निर्मितीमध्ये अडथळा येऊ शकतो, ज्यामुळे आपले शरीर कमकुवत होऊ शकते.

(Tips To Cook Iron Rich Food शरीराला लोहाचा पुरवठा करणारी ही पारंपरिक पद्धत माहीत आहे का?)

​दुग्धजन्य पदार्थ

शाकाहार करणाऱ्यांनी आपल्या आहारामध्ये दुग्धजन्य पदार्थांचा योग्य प्रमाणात समावेश करावा. हे पदार्थ देखील व्हिटॅमिन बी १२ चे उत्तम स्त्रोत आहेत. दुग्धजन्य पदार्थांद्वारे तुमच्या शरीराची सर्व प्रकारची कमतरता भरून निघण्यास मदत मिळते. पोषण तत्त्वांचा आरोग्याला पुरवठा होतो. ज्या लोकांना दूध किंवा दुग्धजन्य पदार्थांपासून अ‍ॅलर्जी आहे, अशांनी सुकामेवा आणि हिरव्या भाज्या खाण्यावर भर द्यावा. पण या खाद्यपदार्थांचा कशा प्रकारे आणि किती प्रमाणात सेवन करावे, याबाबत तज्ज्ञांकडून सल्ला घेणे आवश्यक आहे.

(Knee Pain Home Remedy गुडघेदुखीमुळे त्रस्त आहात का? जाणून घ्या घरगुती उपाय)

​झिंक, कॅल्शियम आणि लोह

शाकाहारी डाएटमध्ये झिंक, लोह, कॅल्शिअमची कमतरता दूर करण्यासाठी कित्येक पर्याय उपलब्ध आहेत. यासाठी तुम्ही बदाम, अक्रोड, अख्खे कडधान्य उदाहरणार्थ काबुली चणे, राजमा, मूग, हिरव्या भाज्या, फळांचे सेवन करू शकता. या खाद्यपदार्थांद्वारेही शरीराला पोषक तत्त्वांचा पुरवठा होतो.

(Health Care Tips दर आठवड्याला किती वेळ सायकलिंग करावे?)

​हृदयाच्या आरोग्यासाठी लाभदायक

आपल्या हृदयाच्या आरोग्यासाठी शाकाहार अधिक लाभदायक असतो, असे म्हणतात. कारण अशा प्रकारच्या आहारामुळे शरीरातील कोलेस्ट्रॉल नियंत्रणात राहण्यास मदत मिळते. तसंच शाकाहारामुळे हृदय विकारांची लागण होण्याचा धोका कमी असतो. हृदयाच्या आरोग्यासाठी फळे, भाज्या, कमी तिखट – तेलकट पदार्थांचा आहारात समावेश करावा.

(Health Care Tips अपचनाची समस्या दूर करण्यासाठी हिरडा खाणे योग्य ठरेल का?)

NOTE आपल्या आहारामध्ये कोणत्या पदार्थांचा समावेश करावा किंवा करू नये, याबाबत डॉक्टर अथवा आहारतज्ज्ञांकडून योग्य ते मार्गदर्शन घ्यावे. तज्ज्ञांचा सल्ला न घेता आहारामध्ये बदल करू नये.


Source link

You may also like...

Leave a Reply

Your email address will not be published. Required fields are marked *