Yoga Benefits कमरेच्या स्नायूंसाठी करा हे आसन, जाणून घ्या योग्य पद्धत

Spread the love

– प्रांजली फडणवीस

‘मागणी तसा पुरवठा’ हे आपल्या शरीराचे सगळ्यांत मूलभूत तत्त्व आहे. याची अनेक उदाहरणे देता येतील. जसे धावताना पायाकडे रक्तपुरवठा वाढवला जातो. जेवणानंतर पचनाच्या क्रियेसाठी रक्तपुरवठा पोटाकडे जास्त प्रमाणात होतो, म्हणून जेवणानंतर वामकुक्षी घेण्याची पद्धत आहे. आपण विचार करतो किंवा बौद्धिक काम करतो, त्या वेळेस रक्तपुरवठा मेंदूकडे वाढवला जातो.

अशाच प्रकारे ज्या गोष्टींची आपल्याला आवश्यकता नाही, त्या गोष्टींचा हळूहळू वापर कमी केला जातो आणि त्याची रचनाही हळूहळू बदलते. जसे गवत खाणाऱ्या प्राण्यांमध्ये अपेंडिक्सचे खूप महत्त्व आहे; परंतु मनुष्यप्राण्यांमध्ये अपेंडिक्सची तेवढी आवश्यकता नसल्यामुळे ते छोटे आहे. मांसाहारी प्राण्यांमध्ये मांस फाडून खाण्यासाठी सुळे मोठे असतात; परंतु मनुष्यप्राण्यांमध्ये त्याची आवश्यकता नसल्यामुळे ते मर्यादित आहेत; तसेच चतुष्पाद प्राण्यांमध्ये शरीराचा जमिनीला समांतर तोल सांभाळण्यासाठी शेपटीची आवश्यकता आहे; परंतु द्विपाद मनुष्यप्राण्यांमध्ये शेपटीची आवश्यकता नसल्यामुळे माकडहाडाचा अगदी शेवटचा भाग एवढेच ‘टेलबोन’ आहे.
(Health Care Tips फिट राहायचं आहे? मग या पाच गोष्टींकडे करू नका दुर्लक्ष)

‘टेलबोन’ छोटे असल्यामुळे पेल्व्हिसला अँटिव्हर्टेड (पोटाची बाजू वर आणि टेलबोन खाली) स्थितीत राहत नाही. त्यामुळे कमरेच्या पाचव्या मणक्यावर जास्त दाब येतो. मर्कटासनामध्ये आपण कमरेला पिळून कमरेचे स्नायू मोकळे करण्याचा प्रयत्न करतो. आपल्याकडे शेपूट नसली, तरी कमरेपासून खाली पायाकडे जाणाऱ्या स्नायूंच्या मदतीने आपण कमरेचा भाग मोकळा करण्याचा प्रयत्न करतो.
(Honey Health Benefits मधाचे सेवन करण्याचे सात आरोग्यदायी फायदे)

मर्कटासन प्रकार (Markatasana)
– पाठीवर उताणे झोपणे.
– दोन्ही हात खांद्याच्या रेषेत बाजूला घेणे.
– डावा पाय गुडघ्यात दुमडून पोटाजवळ घेणे.
– उजव्या हाताने डाव्या पायाचा गुडघा पकडणे.
– हाताच्या मदतीने हळूहळू डावा पाय कमरेपासून उजव्या बाजूला वळवणे.
– डाव्या पायाचे पाऊल उजव्या बाजूला जमिनीवर टेकवणे.
– हळूहळू उजव्या हाताच्या मदतीने गुडघा जमिनीवर टेकवण्याचा प्रयत्न करणे.
(Evening Exercise And Yoga संध्याकाळी योगासने किंवा व्यायाम करण्याचे फायदे)
– सावकाश मान वळवून डावीकडे पाहणे; डावा कान टेकवण्याचा प्रयत्न करणे.
– जो पाय (उजवा) सरळ आहे, त्या पायाचे पाऊल उजवीकडे वळलेले असेल.
– या स्थितीमध्ये खांदे जमिनीला टेकलेले; परंतु कंबर जमिनीपासून उभ्या स्थितीमध्ये असेल.
यामुळे कमरेचे मणके आणि कमरेचे स्नायू यांना चांगल्या प्रकारे पीळ बसतो आणि कमरेचे स्नायू मोकळे होतात.
(लेखिका योगथेरपिस्ट आहेत.)
भुजंगासनाचा सराव कसा करावा, पाहा संपूर्ण व्हिडीओ

भुजंगासनामुळे मान, पाठीच्या स्नायूसह संपूर्ण शरीराला मिळतील लाभ


Source link

You may also like...

Leave a Reply

Your email address will not be published. Required fields are marked *